Álemde eń tanymal sýsyn - shaıdyń óz merekesi bar.
IýNESKO shatb páterinde bıyl bul mereke osymen ekinshi ret uıymdastyrylyp otyr. Sharaǵa bizdiń elimiz alǵash ret qatysty, dep habarlaıdy Almaty-akshamy.kz.
24.kz taratqan aqparatqa saı, dúnıejúzinde ár sekýnd saıyn 130 keli shaı óndiriledi. Shaıǵa degen suranys jyl saıyn artyp keledi. Kóp eldiń salt-dástúrimen ushtasqan shaı mádenıeti bir jyl buryn adamzattyń materıaldy emes murasy dep tanyldy. Sodan beri IýNESKO shtab-páterinde shaı kúni atalyp ótedi.
«Eýropada shaı mádenıeti kenje qalǵan dese bolady. Munda adamdar shaıdy kóbine tek aýyrǵan kezde ishedi. Jaı ýaqytta ony demdep, dámi men hosh ıisinen rahat alý sıaqty dástúr joq. Biz osyny ózgertkimiz keledi», - deıdi IýNESKO qoǵamy qaýymdastyǵynyń prezıdenti Marıetta Banchev.
Halyqaralyq uıym qabyrǵasynda ótken sharaǵa negizinen qytaı kamelıasyn ósiretin elderdiń ókilderi jınaldy. Dúnıejúzinde shaıdy kóp óndiretin de osy memleketter. Solardyń biri - Kenıa. Bul eldiń turǵyndary jaıǵa jan syılaıtyn sýsynda sút qatyp ishkendi unatady.
«Kenıada kez kelgen úıge qonaqqa barsańyz sizge eń aldymen shaıǵa shaqyrady. Jergilikti tilde Karıbý shaı deıdi», - deıdi IýNESKO-daǵy Kenıa turaqty ókiliniń orynbasary Eva Maına.
Seılonda kóbine joǵary surypty shaı óndirýge den qoıylǵan. Osy sebepti óndiristik alqaptardan alynatyn ónimnen kóri jeke sharýashylyqtardyń surypy joǵary baǵalanady. Álemde de osy úrdis kúsheıip keledi.
«Bul sharap sıaqty. Tpti ony bir erekshe óner dep qarastyrýǵa bolady. Mysaly Shrı-Lankada olar qandaı bıik jotada ósirilgenine qaraı erekshelenedi. Sharap sıaqty shaıdyń dámin tatýshy arnaıy mamandar bar», - deıdi IýNESKO-daǵy Shrı-Lankanyń turaqty ókili Manısha Gýnasekera.
Álemde iri shaı óndirýshilerdiń arasyna Indonezıany jatqyzýǵa bolady. Munda ásirese qara shaı qundy. Al Qazaqstan búgingi saltanatty sharaǵa alǵash ret qatysyp otyr. Bizdiń elde ol óndirilmegenmen, halyqtyń eń kóp ishetin sýsyny sanalady.