«Dýman» shaǵyn aýdanynda jalpy uzyndyǵy 14 shaqyrym aýyz sýmen qamtý jáne káriz jelilerin salý boıynsha memlekettik saraptamanyń oń qorytyndylary alyndy. Bul týraly Medeý aýdany turǵyndarymen kezdesken megopolıs ákimi E.Dosaev aıtty, dep habarlaıdy almaty-akshamy.kz.
Al «Sulýsaı» shaǵyn aýdanynyń turǵyndaryn aýyz sýmen tolyqtaý qamtamasyz etý úshin 2 skvajına qurylysyna memlekettik saraptama ruqsat bergen. Demek, jalpy uzyndyǵy 16,9 shaqyrym sýmen qamtý jáne káriz jelilerin salý jumystary da qolǵa alynady.
«Dýman» shaǵyn aýdanyndaǵy qurylys-montajdaý jumystary osy jyldyń qazan aıynda bastalmaq. Al «Sulýsaı» shaǵyn aýdanynda skvajınalar qurylysy osy jyldyń qarasha aıynda konkýrstyq rásimder ótkizilgennen keıin qolǵa alynady dep kútilýde. Jelilerdiń qurylysy 2024 jyly bastalady.
Aıtý kerek, «Alataý» jáne Malaıa stanısa shaǵyn aýdanyndarynda (32 kóshe) sýmen qamtý jáne káriz jelilerin salý boıynsha saraptama qorytyndysy osy jyldyń jeltoqsan aıynda shyǵady dep kútilýde.