Jambyl oblysynda dúken tonaǵan almatylyq turǵyndar qolǵa tústi.
15 aqpan kúni Shý aýdany polısıa bólimine 46 jastaǵy jergilikti turǵynnan keshki saǵat 21:30 shamasynda dúkeninen belgisiz eki azamattyń azyq-túlik jáne ishimdik zattaryn alyp, aqshasyn tólemeı, ashyq jymqyrý arqyly ıelenip, qashyp ketkeni týraly aryz túsken, dep habarlaıdy Almaty-akshamy.kz Polisia.kz-ke silteme jasap.
Atalǵan derekke qatysty QR QK-niń 191-baby 2-bóligi 3-tarmaǵymen (Adamdar tobynyń aldyn ala sóz baılasýymen jasalǵan tonaý) sotqa deıingi tergeý amaldary bastaldy.
Aýdandyq polısıa qyzmetkerlerinen qurylǵan jedel tergeý toby oqıǵa ornynda tekserý jumystaryn júrgizip, kúdiktilerdiń izi sýymaı anyqtalyp, bireýi ustaldy. Olar 21 jáne 23 jastaǵy Almaty oblysynyń turǵyndary bolyp shyqty. Ustalǵan er adam Shý qalasyna qasyndaǵy dosynyń Lada avtokóligimen qydyryp kelgenderin aıtyp, dúkennen taýar alyp, tólemeı ketip qalǵandaryn moıyndady. Oǵan qatysty QR QPK-niń 128-131-babynyń talaptaryna saı shara qoldanylyp, ýaqytsha ustaý abaqtysyna qamaqqa alyndy.
Qazirgi ýaqytta ekinshi kúdiktiniń qaıda júrgendigin anyqtaý maqsatynda izdestirý jumystary júrgizilip jatyr.