Respýblıka boıynsha jel kúsheıip, tuman, kóktaıǵaq kútiledi
"Qazgıdromet" 14 naýryzǵa arnalǵan aýa raıy boljamyn jarıalady, dep habarlaıdy Almaty-akshamy.kz.
Qazaqstannyń aýmaǵynyń basym bóliginde atmosferalyq frontaldy bólikterdiń ótýine baılanysty qubylmaly aýa raıy kútiledi. Jaýyn-shashyn jaýady, respýblıkanyń soltústik jartysynda kóbinese qar túrinde jaıaý burqasynmen, ońtústik jartysynda jańbyr túrinde, ońtústik, ońtústik-shyǵystyń jáne shyǵystyń taýly aýdandarynda qatty jaýyn-shashyn (jańbyr, qar) bolady.
Respýblıka boıynsha jel kúsheıip, tuman, kóktaıǵaq kútiledi. Elimizdiń ońtústiginde naızaǵaı bolady.
Túrkistan oblysynyń taý jáne taýly aýdandarynda naızaǵaı, tuman túsedi, jel 15-20 m/s jyldamdyqpen soǵady.
Jambyl oblysynyń soltústiginde, taýly aýdandarynda tuman, kóktaıǵaq kútiledi, oblystyń ońtústik-batysynda, taýly aýdandarynda jeldiń jyldamdyǵy 15-20, ekpini 23 m/s jetedi. Shyǵys Qazaqstan oblysynyń soltústiginde tuman, túnde batysynda, ortalyǵynda jaıaý burqasynmen jel 15-20 m/s kúsheıedi.
Qaraǵandy oblysynyń soltústiginde, ortalyǵynda jaıaý burqasyn, kóktaıǵaq kútiledi, oblystyń batysynda túnde jáne tańerteń tuman, kúndiz ortalyǵynda jáne shyǵysynda 15-20 m/s jel kúsheıedi. Pavlodar oblysynyń ońtústik bóliginde jaıaý burqasyn kútiledi, oblystyń soltústiginde, shyǵysynda jel 15-18 m/s jyldamdyqpen soǵady.
Soltústik Qazaqstan oblysynyń ońtústiginde jaıaý burqasyn, túnde ońtústik-shyǵysynda jel 15-20 m/s deıin kúsheıedi. Aqmola oblysynyń shyǵysynda, kúndiz Batys Qazaqstan oblysynyń soltústiginde jaıaý burqasyn kútiledi. Mańǵystaý oblysynyń soltústiginde, túnde shyǵysynda, kúndiz Atyraý oblysynyń soltústiginde tuman, kóktaıǵaq kútiledi. Almaty oblysynyń soltústiginde jáne taýly aýdandarynda tuman kútiledi, oblystyń shyǵysynda jel 15-20 m/s kúsheıedi.
Aqtóbe oblysynyń batysynda, ońtústiginde, Qostanaı, Qyzylorda oblystarynyń soltústiginde tuman túsedi.