Joǵalǵan jigit 27 jeltoqsannan beri baılanysqa shyqpaǵan.
Dýbaıǵa jumys isteýge ketken qazaqstandyq azamat joǵalyp ketti, dep habarlaıdy Almaty-akshamy.kz Elorda.info saıtyna silteme jasap.
LIFE09 aqparat agenttiginiń jazýynsha, Qazbekov Islambek 2022 jyldyń qyrkúıek aıynda Dýbaı qalasyna jumys isteýge ketken. Biraq jyl sońyna qaraı Islambek dostaryna belgisiz adamdardyń aıtýymen Taılandqa aýysqanyn aıtqan. Keıinnen Taıland, Laos, Mánma elderimen shektesetin «Zolotoı treýgolnık» degen jerge aldanyp kelgenin aıtqan. Biraq 27 jeltoqsannan beri baılanysqa shyqpaǵan.
Joǵalǵan azamat sońǵy habarlamasynda túsiniksiz jaıttardyń bolyp jatqanyn dostaryna eskertipti.
«Zolotoı treýgolnık» degen jerge kelgenshe 10 posttan óttik. Qaıda tap bolǵanymdy sonda kelgende ǵana túsindim. Janymda 1 qazaqstandyq jigit, 2 pákistandyq jáne taǵy bir adam bar. Bizge basynda aýdarmashy bolasyńdar degen, keıinnen satý jumystarymen aınalysasyńdar dedi. Satýdan qajetti aqshany tappasańdar, aqshany ózderiń tóleısińder dep aıtty. Al ol aqshany ótep bere almasaq, uramyz, quldyqqa salamyz, túrmege qamaımyz deıdi. Endi bir amal bolsa, qaıtyp ketýge tyrysamyz. Eger menen habar úzilip qalsa, jaǵdaıdyń qıyndaǵany dep túsinińder», – delingen joǵalǵan jigittiń sońǵy habarlamasynda.
Dostarynyń aıtýynsha, Islambekti quldyqta ustap otyrýy múmkin.
Memlekettik organdar joǵalǵan azamat týraly qandaı da bir aqparat bilý úshin jumys istep jatyr. Ol jerde zańnyń kúshi asa júre bermeıdi. Burynǵy tájirıbeler kórsetkendeı, ol elderde osyndaı jaǵdaıǵa tap bolǵan adamdardy qaıtarý úshin qomaqty qarjy suraıdy.