Jarty jylǵa jýyq ýaqyt ishinde elimizdiń pavılonyn 1 mln 200 myńnan astam adam tamashalaǵan.
Kún saıyn Uly dala elimen tanysýǵa nıettiler uzyn-sonar kezekke turady. Otandastarymyzben qatar, sheteldik qonaqtar da kóp. Olardyń sany táýligine 8 myń adamǵa deıin jetedi, dep habarlaıdy Almaty-akshamy.kz
Ulttyq pavılonnyń mazmuny kórmeniń «Aqyl-oıdy biriktirip, bolashaqty qurý» taqyrybyn tolyq ashady. Gıdter kelýshilerdi elimizdiń tabıǵaty, tarıhy, mádenıeti, dástúri, sondaı-aq el damýyndaǵy perspektıvalyq jobalarymen tanystyryp, jumbaq jáne tańǵajaıyp Qazaqstanǵa ınteraktıvti saıahatqa jeteleıdi.
«Pavılondy kórgenime qýanyshtymyn. Qazaqstannyń tabıǵı resýrstarǵa, túrli paıdaly qazbaǵa baı ekenin de bilmeppin. Bul – men úshin úlken jańalyq. Sonymen qatar Qazaqstanda aýyl sharýashylyǵy salasynyń jaqsy damyǵany da tańǵaldyrdy. Bul óte áserli. Agoónerkásip kesheni zaman aǵymyna saı damyp keledi eken. Qolóner úlgileri, kireberistegi shamdardyń jarqyraýy - barlyǵy jaqsy oılastyrylǵan. Kirgende jýsan ıisin sezinip, Uly dala elinde júrgendeı boldym», - deıdi kórme qonaǵy /Palestına/ Valıd Shataev.
Kelýshiler arasynda adamnyń jasandy ıntellektpen baılanysyn kórsetetin qorytyndy akrobatıkalyq shoý erekshe nazarǵa ıe.
Aıta keteıik, Dýbaıdaǵy EXPO-2020 halyqaralyq kórmesi naýryz aıynyń sońyna deıin jalǵasady. Oǵan barlyǵy 192 memleket qatysýda.