Dıetolog Dýbaı shokoladynyń Kvınke isinýin týdyrýy múmkin ekenin eskertti, dep habarlaıdy aqshamnews.kz
«Bireýdiń qańsyǵy – bireýge tańsyq». Áleýmettik jeli arqyly tarap jatqan trendterdiń sońynan keıingi kezde ilesýdiń ózi múmkin emes. Sondaı trendterdiń biri, búkil álem bop dýbaı shokoladyn jeý sáni. Trendten qalmaıyn dep tyrashtanyp jatqanda onyń densaýlyq úshin zıandy bolýy múmkin ekenin eshkim oılana qoımaıtyn syńaıly. Baǵasy da qaltaǵa edáýir salmaq túsiretin bul táttiniń densaýlyqqa da keltirer salmaǵy shash etekten eken. Alergıasy bar adamdarǵa bul ónimdi abaılap jegen abzal. Sebebi Dýbaı shokoladyn jegennen keıin mundaı adamdarda alergıalyq reaksıa kúsheıip, Kvınke isinýine ákelýi múmkin. Bul týraly reseılik maman, medısına ǵylymdarynyń kandıdaty, dıetolog Rımma Moısenko eskertti.
«Kofe, kakao jáne jańǵaqtar - eń kúshti alergender. Bulardan bólek, shokoladta alergıa týdyratyn taǵy bir ónim - sút komponentteri bolsa, ol alergıaǵa beıim adam úshin qarsy «bombalyq kúshke» aınalady, bul kem degende Kvınkeniń aýyr isinýin nemese alergıalyq reaksıanyń basqa túrin týdyrady», – dep atap ótti Moısenko.
Dıetolog Dýbaı shokoladynyń ózi jáne onyń ıngredıentteri adamdar úshin qaýipti emes, quramynda zıandy zattar joq ekenin atap ótti. Bar bolǵany, quramynda kakao burshaqtarynan basqa eshteńe joq plıtka shokolad pen jańǵaqtardyń barlyq túrlerimen toltyrylǵan shokoladtyń arasynda aıyrmashylyq bar. Kóptegen adamdar úshin bul ónim kúshti alergen bolyp tabylady.
PhD doktory Dýbaı brendinde shokolad satýǵa arnalǵan barlyq ruqsat qujattary bolýy kerek ekenin aıtty. Japsyrmada negizgi ıngredıentter jazylǵan, biraq kóptegen komponentter arab tilinde jazylǵandyqtan, qaptamany oqýǵa mán bermeıdi. Ónim quramyna qosylatyn basqa quramyna keletin bolsaq, olar kóbinese múldem jazylmaıdy da.
Bir aı buryn, 21 qazanda birqatar Telegram arnalary men buqaralyq aqparat quraldary Máskeýde Dýbaı shokoladyn jegen boıda Kvınke isinýine ushyraǵan qyz týraly jarysa jazǵan bolatyn. Zardap shekken adamnyń alergıasy shokoladty bir tistegennen keıin-aq bastalǵan.