QR Densaýlyq saqtaý mınıstrligi Qazaqstan Prezıdentiniń densaýlyq saqtaý salasyn sıfrlandyrý boıynsha tapsyrmasyn júzege asyrý sheńberinde qazaqstandyq İT jáne fınteh-kompanıalardyń tájirıbesi men ınovasıalyq sheshimderin qoldana otyryp olarmen belsendi ózara is-qımyl júrgizýde, dep habarlaıdy aqshamnews.kz. Densaýlyq saqtaý mınıtrligine silteme jasap.
Sonymen «Frıdom Fınans» AQ-nyń medısınalyq qyzmetterdiń sapasy men ashyqtyǵyn, qoljetimdiligin arttyrýǵa baǵyttalǵan sıfrlyq tehnologıalaryn engizý týraly usynystary qaraldy. Sonyń ishinde aýyldyq jerlerde telemedısınany damytý aıasynda densaýlyq dıagnostıkasy men monıtorıńi mobıldi keshenderin engizý joldary bar.
Aldaǵy ýaqytta yntymaqtastyq ornatý týraly memorandýmǵa densaýlyq saqtaý mınıstri Aqmaral Álnazarova men Freedom Holding Corp bas atqarýshy dırektory Tımýr Týrlov qol qoıdy.
Yntymaqtastyq sheńberinde vaksına men basqa da medısınalyq dári-dármekterdi qaýipsiz kúıde saqtaý men tasymaldaýǵa qajetti tońazytý tizbegin basqarýǵa arnalǵan sıfrlyq júıeni birlese ázirleý josparlanýda. Bul naqty ýaqyt rejıminde óndiristen bastap naýqasqa jetkenge deıingi aralyqtaǵy barlyq kezeńderde sapanyń joǵalyp ketý qaýpin azaıta otyryp, temperatýrany baqylaýǵa múmkindik beredi.
Sonymen qatar kompanıa medısınalyq qyzmetterge jalǵan qujat toltyrýmen kúreske baǵyttalǵan sıfrlyq sheshimder ázirleýge qatysýǵa daıyn ekenin jetkizdi.