Azamattardyń jedel járdemniń kelýiniń keshigýi týraly kóptegen ótinishterine jaýap retinde QR Densaýlyq saqtaý mınıstrligi taldaý júrgizip, jaǵdaıdy jaqsartý úshin sheshimder usyndy, dep habarlaıdy aqshamnews.kz.
Taldaý nátıjeleri shaqyrtýlardyń 50%-dan astamy shuǵyldyqtyń tórtinshi sanatyna jatatynyn kórsetti, bul emhanalardy qosa alǵanda, medısınalyq-sanıtarıalyq alǵashqy kómek uıymdarynyń (MSAK) baqylaýyndaǵy sozylmaly aýrýlary bar pasıentterge qyzmet kórsetýdi bildiredi.
Osyǵan baılanysty Mınıstrlik Medısınalyq-sanıtarıalyq alǵashqy kómek kórsetý standartyna jáne Jedel medısınalyq kómek kórsetý qaǵıdalaryna ózgerister jobasyn ázirledi. Ózgerister keıbir BAQ durys jetkizbegendeı, úıde qyzmet kórsetýdi toqtatýdy bildirmeıdi, kerisinshe medısınalyq qyzmetterdiń qoljetimdiligi men sapasyn jaqsartýǵa baǵyttalǵan.
Dárigerdi úıge shaqyrtýlardy tirkeýge jáne úıdegi stasıonarlardy uıymdastyrýǵa qatysty tarmaqtar qujattyń qurylymyn jaqsartý úshin jobanyń basqa bólimine aýystyryldy, biraq olar kúshinde qalady. MSAK-tyń medısına qyzmetkerleri aldyńǵy standarttyń sheńberinde úıde kómek kórsetýdi jalǵastyrady.
Densaýlyq saqtaý mınıstrligi qyzmet kórsetý sapasy men azamattardyń qanaǵattanýshylyǵyn arttyrý úshin medısınalyq kómek kórsetý júıesin jetildirý boıynsha jumysty jalǵastyrady.