Dombyra — mádenıetimizdiń negizgi sımvoldarynyń biri
Elimizdiń jeti myń bilim berý uıymynda bir mezgilde «Balbyraýyn», «Adaı» jáne «Saryarqa» kúıleri oryndaldy, dep habarlaıdy Almaty-akshamy.kz.
Mınıstrdiń aıtýynsha, mýzyka, ásirese dombyranyń áýezdi úni barlyq ulttardy jalpyadamı qundylyqtar - toleranttylyq, tózimdilik, birlikke úndep, bir arnaǵa toǵystyrady. Jáne óskeleń urpaqtyń óz tarıhy men ónerin úırenýge degen umtylysy men qyzyǵýshylyǵyn oıatady.
«Dombyra — mádenıetimizdiń negizgi sımvoldarynyń biri, ulttyq qundylyǵymyz. Bizdiń oqýshylarymyz, balabaqshanyń kishkentaı tárbıelenýshileri, kolej stýdentteri ulttyq aspapta oınaýǵa belsendilik tanytqany qýantady. Búgin dombyranyń shanaǵynan tógilgen ún elimizdiń ár óńirinde áýeledi. Oqýshylar urpaqtan-urpaqqa jalǵasyp kele jatqan mádenı murany saqtap, odan ári jalǵastyrady dep senemin»,— dedi Ǵanı Beısembaev.
Chellendj sońynda Oqý-aǵartý mınıstri elordadaǵy D. Qonaev atyndaǵy № 66 mektep-lıseıiniń oqýshylarymen birge kúı oryndady. «Naýryz meıramy» merekelik estafetasyna mıllıonǵa jýyq qazaqstandyq oqýshy qatysty. Eń kishkentaıy - Batys Qazaqstan oblysy Terekti aýdany «Aqbota» balabaqshasynyń tárbıelenýshileri.
Esterińizge salsaq, bıyl «Naýryz meıramy» elimizdiń barlyq mektepterinde 10-17 naýryz aralyǵynda ótedi. Bul kúnderi jalpy respýblıkalyq «Taza tabıǵat» aksıasy, «Jasyl úı» chellendji, «Qaıyrymdy ult», «Qolónershiler jármeńkesi» qaıyrymdylyq sharasy, ulttyq taǵamdar festıvali men ulttyq oıyndar merekesi bolady.
«Naýryz – ulystyń uly kúni» sýretter baıqaýy, «Otbasy – baqyt mekeni» atty otbasylyq jarys uıymdastyrylyp, áleýmettik jelilerde #Naýryzmeıramy #Naýryzkúıi heshtegimen fleshmob, chellendjder júrgiziledi.