Qazaqstan qor bırjasy (KASE) 3 shilde kúni saǵat 15:30-da shetel valútalary boıynsha saýda-sattyqty japty, dep habarlaıdy almaty-akshamy.kz.
Saýda-sattyqtyń qorytyndysy boıynsha dollardyń ortasha saralanǵan baǵamy 0,68 teńgege kóterilip, 472,57 teńgeni qurady.
Qytaı ıýaniniń ortasha saralanǵan baǵamy 64,67 teńgege deıin ósti (+0,05).
Aqsha aıyrbastaý oryndarynda dollar 472,1-474,1 teńgege, eýro 507,5-511,5 teńgege, reseı rýbli 5,31-5,43 teńgege satylýda.
Sonymen birge, 3 shildede álemdik munaı baǵasynyń ósýi jalǵasýda.
Osylaısha, ICE Futures elektrondyq saýdasynda qyrkúıek aıyndaǵy Brent fúchersteriniń quny 0,27%-ǵa ósip, barreline $86,47 qurady.
NYMEX elektrondyq saýdasynda WTI munaıynyń tamyzdaǵy fúchersteri 0,24%-ǵa ósip, barreline 83,01 dollardy qurady.
Ulttyq bank buǵan deıin dollar baǵamyn 471,83 teńge, eýrony 505,66 teńge, rúbldi 5,4 teńge dep belgilegen bolatyn.