Ekpe shuǵyl jaǵdaıǵa daıyn.
Úndistannyń Dári-dármekter jónindegi (DCGI) Bas baqylaýshysy juma kúni koronavırýsqa qarsy ZyCoV-D Zydus Cadila vaksınasyn shuǵyl qoldanýǵa ruqsatyn berdi, dep habarlaıdy Almaty-akshamy.kz. QazAqparat saıtyna silteme jasap.
Úndistannyń Ǵylym jáne tehnologıalar mınıstrliginiń málimdeýinshe, DNQ negizinde jasalǵan álemdegi alǵashqy koronavırýs vaksınasyn eresekterge jáne 12 jastan asqan balalarǵa salýǵa bolady, dep habarlaıdy QazAqparat India TV News Desk-qa silteme jasap. 28 myń erikti qatysqan İİİ klınıkalyq synaqtyń aralyq qorytyndysy PTR-dyń oń nátıjesi bar jaǵdaıda bastapqy tıimdiligi 66,6%-ǵa jetkenin kórsetti.
Qazirgi kezde bul - Úndistanda COVID-19 vırýsyna qarsy vaksınanyń eń úlken synaǵy. Bul vaksına buryn ótkizilgen İ/İİ synaq kezinde óziniń ımmýnogendigin, tózimdiligi jáne qaýipsizdigi turaqty ekenin kórsetti. İ/İİ jáne İİİ klınıkalyq synaqty Málimetter qaýipsizdigine monıtorıń jasaý táýelsiz keńesi (DSMB) qadaǵalaǵan. 1 shildede shtab páteri Ahmedabadta ornalasqan iri DCGI farmasevtıka kompanıasy vaksınany shuǵyl paıdalanýǵa ruqsat alý úshin ótinim jibergen. Kompanıa vaksınany qazirgi kezde Úndistannyń 50-den astam ortalyǵynda iri klınıkalyq synaqtan ótkizgenin málimdedi. Endi ZyCoV-D – elde qoldanýǵa ruqsat etilgen altynshy vaksına. Úndistanda Serum Institute-tiń Covishield, Bharat Biotech-tiń Covaxin, reseılik Sputnik V, amerıkandyq Moderna jáne Johnson and Johnson vaksınalary qoldanylyp keledi.
Plazmıda DNQ negizinde ázirlengen ZyCoV-D vaksınasyn teri astyna ınesiz ınektordyń kómegimen salǵan jón. Zydus Group tóraǵasy Pankadj R. Patel (Pankaj R Patel) olardyń «qaýipsiz, tózimdiligi jaqsy ári tıimdi vaksınany» shyǵara alǵanyna dán rızashylyǵyn bildirdi.
«Osyndaı sheshýshi kezeńde jáne, barlyq problemaǵa qaramastan, álemde koronavırýsqa qarsy alǵashqy DNK-vaksınasyn shyǵarý – úndistan zertteýshi ǵalymdarynyń eńbegi jáne olardyń jańashyldyq rýhy», - dedi ol.