Memlekettik qyzmet isteri departamentiniń alańynda Prezıdent Jastar kadrlyq rezervine irikteý boıynsha departament basshysy I. B. Úısimbaevtyń qatysýymen brıfıń ótti.
Brıfıń barysynda spıker rezervke irikteý tártibi jáne ony ótkizý jospary týraly habardar etti, dep habarlaıdy Almaty-akshamy.kz.
Aǵymdaǵy jyldyń 1 qyrkúıeginde prezıdenttik Jastar kadrlyq rezervine kezekti irikteý bastalady, onyń irikteý erejeleri men tártibi Prezıdenttiń Jarlyǵymen retteledi. Maqsaty - qoǵamdyq múddelerdi basshylyqqa alatyn jas talanttardy anyqtaý jáne memlekettik qyzmetke tartý.
«Konkýrsqa qatysýǵa 35 jastan aspaǵan, joǵary bilimi jáne keminde bes jyl eńbek ótili bar Qazaqstan Respýblıkasynyń azamattary jiberiledi. Úmitkerlerge qoıylatyn jańa talap Ulttyq standarttarǵa sáıkes orta deńgeıden (V1) tómen emes memlekettik tildi meńgerý bolyp tabylady», - dep atap ótildi spıker óz sózinde.
Sonymen qatar, departament basshysy úmitkerlerge rezervke alý úshin ótetin negizgi dáıekti kezeńderdi atap ótti, olar: kúrdeli sanmen jumys isteý qabiletin baǵalaý máselelerin sheshý, jaǵdaıattyq mindetterdi sheshý, quzyretterdi baǵalaý, saraptamalyq komısıada áńgimelesý, Prezıdent janyndaǵy jastar kadr saıasaty jónindegi Ulttyq komısıanyń otyrysy.
«Rezervtegi kadrdy bos memlekettik laýazymǵa taǵaıyndaý quzyretter jıyntyǵy eskerile otyryp jáne jastar kadr rezervi jónindegi ulttyq komısıanyń usynymy boıynsha konkýrstan tys tártippen júzege asyrylatyn bolady. Bul rette rezervke qabyldaý laýazymǵa taǵaıyndaýǵa kepildik bermeıdi. Taǵaıyndaý "A" korpýsynyń saıası, ákimshilik laýazymdaryna jáne "B"korpýsynyń basshy laýazymdaryna kózdeledi. Rezervte bolý merzimi úsh jyldy quraıdy. Tilek bildirýshiler qujattardy onlaın rejımde arnaıy ázirlengen pkrezerv.gov.kz sıfrlyq platformada tapsyra alady», - dep túıindedi spıker.
Almaty qalasy boıynsha
Memlekettik qyzmet isteri departamenti