AQSH pen Qytaı kóshbasshylary birqatar aımaqtyq jáne jahandyq máselelerdi talqylaıdy.
Aq úı beısenbide prezıdent Djo Baıdenniń 2022 jyldyń 14 qarashasynda Indonezıanyń Balı aralynda ótetin G20 samıti alańynda Qytaı basshysy Sı Szınpınmen josparlanǵan kezdesýin jarıalady, dep habarlaıdy Almaty-akshamy.kz "Amerıka daýysy" saıtyna silteme jasap.
Aq úıdiń baspasóz hatshysy Karın Jan-Perdiń aıtýynsha, Baıden men Sı eki el arasyndaǵy baılanys jelilerin saqtaý men tereńdetý jolynda birlesip jumys isteý sharalaryn qarastyrady. AQSH pen Qytaı kóshbasshylary birqatar aımaqtyq jáne jahandyq máselelerdi talqylaıdy.
Ákimshiliktiń aǵa ókiliniń aıtýynsha, Baıden Qytaımen qarym-qatynastyń irgetasyn salýǵa daıyn, biraq týyndaǵan máselelerdi, ásirese, Taıvan men adam quqyqtaryn ashyq talqylaýdan bas tartpaıdy.
Reseıdiń Ýkraınaǵa qarsy soǵysy men Soltústik Koreıa da talqyǵa salynbaq. Aq úı kezdesý nátıjesinde bir kelisimge kelýge qatty úmittenip otyrǵan joq, Djo Baıden tek eki el arasyndaǵy qatynastyń negizin qalaýdy kózdep otyr.