«Keńes odaǵy tusyndaǵy Qazaqtan kınosy» kitabynyń avtory, amerıkalyq zertteýshi Pıter Rollbergtiń pikiri osyndaı.
Vashıngton ýnırversıtetindegi Abaı ortalyǵynda Muhtar Áýezovtyń 125 jyldyǵyna oraı ótken «Uly Áýezov murasyn ulyqtaý» atty halyqaralyq ǵylymı konferensıaǵa Qazaqstan, AQSH, Túrkıa ǵalymdary qatysty, dep habarlaıdy Almaty-akshamy.kz.
Sondaı aq qazaqtyń ózge de klasık jazýshylarynyń shyǵarmalaryn aǵylshyn tiline aýdarý, balalar ádebıetin AQSH-taǵy qazaq dıasporasyna yqshamdap usyný bastamalary kóterildi.
«Eger «Áýezovtyń «Kókseregin» alsaq, bul áńgimeni kez kelgen oqyrman túsine alady. Biraq, basqa eldiń oqyrmandaryna tańsyq, ulttyq erekshelikter kórinis beretin dúnıelerde kirispe jasaý kerek, mamandar maǵynasyn túsindirip otyrý qajet. Bul Abaı jolyna da qatysty. Menińshe, romandy qaıta aýdaryp, túsindirmelerin qosý kerek. Iaǵnı, kózi qaraqty amerıkandyq oqyrman shyǵarmanyń mán maǵynasyn boılaýy tıis. Sózsiz, bul biregeı týyndy. Sondyqtan onyń biregeıligin batys oqyrmany túsine alýy mańyzdy», - deıdi Kınotaný jáne halyqaralyq qatynastar profesory Pıter Rollberg.