Disney stýdıasynyń taǵy bir týyndysy qazaqsha dybystaldy.
Astanada «Moana 2» anımasıalyq fılmi qazaq tilinde kórermen nazaryna usynyldy, dep habarlaıdy aqshamnews.kz 24.kz-ke silteme jasap.
Fılm Halyqaralyq «Qazaq tili» qoǵamynyń uıymdastyrýymen dýblájdalǵan. Dýbláj rejıseri – Shah-Murat Ordabaev. Mýzykalyq jetekshi – Anel Sirgebaeva.
Disney jyl saıyn fılmderdiń ár túrli tildegi nusqasyn daıyndaıdy. Sonyń aıasynda «Qazaq tili» qoǵamynyń uıytqysymen bıyldan bastap iri halyqaralyq stýdıalar álemdik premeralaryn qazaq tilinde usyna bastady.
Raýan Kenjehanuly, Halyqaralyq «Qazaq tili» qoǵamynyń prezıdenti: - Disney, Pixar bular dúnıejúzine jańa fılm shyǵarǵan kezde 30 shaqty fılmge, álemdegi úlken fılmderge óz qarajatyn aýdaryp taratady. Sondaı tilderdiń qataryna qazaq tili de qosylyp otyr. Bul biz úshin úlken jeńis. Bıylǵy jyly «Oıjumbaq 2» shyqty, jaqynda «Venom 2» qazaqsha shyqty, búgin, mine, «Moana 2» tanystyryldy, jeltoqsan aıynda «Mýfasa. Arystan patsha» shyǵady. Kelesi jyldyń basynda «Aqshaqar shyǵady».