Almaty ákimi Erbolat Dosaev jumys sapary barysynda Túrksib aýdanyndaǵy Jas qanat sh/a salynǵan jańa deneshynyqtyrý-saýyqtyrý keshenine (DSK) bardy, dep habarlaıdy aqshamnews.kz
Kúnine 600 adamdy qabyldaı alatyn jańa sport nysany jergilikti turǵyndarǵa sapaly sport jabdyqtaryna qol jetkizýge jáne úılerine jaqyn jerde ártúrli sport túrlerimen aınalysýǵa múmkindik beredi.
Nysandaǵy qurylys-montaj jumystary 2020 jyldyń jeltoqsanynda bastaldy. Alaıda sharttyq mindettemelerdiń buzylýyna baılanysty merdiger – «BÝRǴAN2005» JSHS 2022 jylǵy jeltoqsanda sot qaýlysymen memlekettik satyp alýǵa josyqsyz qatysýshy bolyp tanyldy. Kompanıadan turaqsyzdyq aıyby óndirilip, qurylys-montaj jumystaryn aıaqtaý mindetteldi.
Erbolat Dosaevtyń jańa keshenge sapary jáne sportshylarmen kezdesý
Jańa deneshynyqtyrý-saýyqtyrý keshenine barǵan kezinde Almaty ákimi Olımpıada jeńimpazdary men júldegerleri Dmıtrıı Balandınmen, Aleksandra Le jáne Islam Sátbaevpen kezdesti.
Sportshylarmen áńgimelesý barysynda Erbolat Dosaev Túrksib aýdanyndaǵy «Avıator» stadıonynda taǵy bir DSK salynatynyn atap ótti. Jańa jobada oq atýǵa arnalǵan zamanaýı zal jáne sporttyq jarystar ótkizýge bolatyn elý metrlik baseın qarastyrylǵan.
«Jas qanat shaǵyn aýdanyndaǵy jańa deneshynyqtyrý-saýyqtyrý kesheni jas sportshylar men jergilikti turǵyndardyń sportpen shuǵyldanýyna arnalǵan tartymdy orynǵa aınalady. Zamanaýı standarttarǵa saı keletin deneshynyqtyrý-saýyqtyrý keshenderi qalamyz úshin asa qajet. Biz olardyń qurylysy kezinde barlyq turǵyndardyń qajettilikterin qanaǵattandyrýǵa baǵyttalǵan keshender jelisin qurýdy maqsat etemiz», – dep atap ótti Erbolat Dosaev olımpıadashylarmen kezdesý barysynda.
Keshenniń jumys kestesi
Almaty ákiminiń aldyńǵy tapsyrmalaryn eskere otyryp, Jas qanat shaǵyn aýdanyndaǵy DSK kestesi JMDB tárbıelenýshileriniń sabaqtaryna jáne aýdan turǵyndarynyń qajettilikterine sáıkes jasaldy. Keshenge senbi jáne jeksenbi kúnderi de kelýge bolady.
Almatydaǵy basqa sporttyq nysandar
Esterińizge sala keteıik, osy aıda Zerdeli sh/a kúnine 400 kelýshige arnalǵan jańa deneshynyqtyrý-saýyqtyrý kesheni ashyldy. Qazirgi ýaqytta Almatyda úsh (Shuǵyla, Saıaly jáne Avıator shaǵyn aýdandarynda) DSK salý boıynsha jobalyq-smetalyq qujattama ázirlenýde. Sonymen qatar erekshe qajettilikteri bar adamdarǵa arnalǵan sport ortalyǵyn salý josparlanyp otyr.