Eldegi Ulttyq murajaıda «Paleontologıa» kórme zaly ashyldy.
Saltanatty jıynǵa Mádenıet jáne sport mınıstri men murajaı basshylary qatysty, dep habarlıdy almaty-akshamy.kz
Munda kóne zamandaǵy janýarlar áleminiń baılyǵymen tanysyp, olardyń damý evolúsıasyn kórýge bolady. Kórmede úlken múıizdi buǵy, tıranozavr, mamont sekildi janýarlar men Qazaqstan aýmaǵynan tabylǵan basqa da tirshilik ıeleriniń qańqalary qoıylǵan. Jalpy sany 263 eksponat qoıylǵan. Sondaı-aq Memleket basshysynyń «Halyq birligi jáne júıeli reformalar – el órkendeýiniń berik negizi» atty Joldaýy sheńberinde «Qolónershiler ortalyǵy» da oryn tepken. Ortalyq otandyq qolónerdi qoldaýǵa baǵyttalǵan.
- Dınozavrlar kezinen kele jatqan osy Uly Dala boıynda qandaı tirlikter boldy, qandaı mádenıet boldy, salt-dástúrleri boldy, sony pash etemiz. Ózimizdiń akademıkter 30 jylda jınaǵan eńbekterin arheologıa arqyly osy zalda pash etip jatyr. Bul óte qyzyqty, zamanaýı jáne balalar qyzyǵady degen formatpen jasalyp jatqan qadamdar, - deıdi QR Mádenıet jáne sport mınıstri Asqat Oralov.