Almaty qalasynyń terorızmge qarsy komısıasy turaqty túrde halyq arasynda aqparattyq túsindirý jumystaryn júrgizip otyrady.
Jaqynda Almaty qalasy din isteri jónindegi basqarmasynyń uıymdastyrýymen «Tóle bı», «Mýzammıl», «Álı-Muhammed» jáne «Vaınah» meshitteriniń jamaǵatymen «Dinı saýattylyq – adaspaýdyń aıǵaǵy» taqyrybyna dáris ótkizildi.
Sabaq maqsaty – qalalyq dinı qaýymdastyqtaryń jumysymen tanystyrý jáne dinge jańa bet burǵan jastar arasynda radıkaldyq kózqarastar men senimderdiń taralýyna jol bermeý.
Spıkerler retinde Almaty qalasy «Keńes berý jáne ońaltý ortalyǵy teology», dintaný magıstri – Aıbar Qoıshybaev pen «Nur-Múbarak» ýnıversıtetniń aǵa oqytýshysy, magıstr ıslamtanýshy – Nurjan Stambakıev dáris oqydy.
Kezdesý barysynda, meshit qaýymyna Qazaqstan Respýblıkasynyń zaıyrly memleket ekeni, dástúrli dinge jatpaıtyn túsinikter men kózqarastardy nasıhattaýǵa bolmaıtyny týraly aıtyldy. Sonymen qatar, jat aǵym ustanýshysynyń dástúrli Islam ókilinen qandaı belgileri arqyly ajyratýǵa bolatynyna mysal keltirildi.
Dintanýshylardyń aıtýynsha, psıhıkalyq turǵydan álsiz, qatty kúızeliske ushyraǵan, tym ańǵal jáne din salasyndaǵy bilimi óte tómen bola tura, dinı máseleler qarastyrylatyn dinı qoǵamdar men qaýymdastyqtarǵa baratyn adamdar dástúrli emes dinı aǵym ókilderiniń arbaýyna jıi túsedi. Sonymen qatar, shet elde rýhanı bilim alý kezinde radıkaldy ıdeologıanyń yqpal etý múmkindigi zor.
Sabaq sońynda tyńdaýshylarǵa sheteldik kúmándi teologıalyq oqý oryndary aıtyldy.
Ótkizilgen is-shara tyńdaýshylardyń dinı saýattylyǵyn arttyrýǵa jáne radıkaldy ıdeologıalarǵa ımýnıtetti qalyptastyrýǵa úlesin qosty.