Almatydaǵy "Baǵanashyl" balalar úıinde Prezıdent Ákimshiliginiń komısıasy tergeý júrgize bastady, - dep habarlaıdy aqshamnews.kz tilshisi.
Komısıa músheleri tárbıelenýshiler, mekeme basshylyǵy jáne qyzmetkerleri, sondaı-aq bilim berý júıesiniń ókilderimen kezdesken.
Tekseris aıasynda Prezıdent Ákimshiliginiń ókilderi balalar úıindegi turý jáne oqý jaǵdaılarymen tanysyp, irgeles ınfraqurylym nysandaryn aralaǵan.
Bul týraly memlekettik keńesshi Erlan Qarın de Telegram-arnasynda bólisti.
"Memleket basshysynyń tapsyrmasymen Prezıdent Ákimshiligi keshegi oqıǵaǵa qatysty qyzmettik tergeý júrgizýdi bastady. Prezıdent Ákimshiliginiń memlekettik ınspektorlary jáne İshki saıasat bóliminiń qyzmetkeri aımaqqa jol júrip ketti", – dep jazdy Qarın Telegram-arnasynda.
Qazir kóshý týraly sheshim qabyldaýǵa qatysty qujattardy jınaý jáne taldaý jumystary júrgizilip jatqany naqtylandy. Komısıa jetim balalarǵa zańnamada kózdelgen barlyq áleýmettik jáne quqyqtyq kepildikterdiń saqtalýyna erekshe kóńil bólip otyr.
Tekserý balalardyń quqyqtary men múddelerin qorǵaý basymdyǵymen júrgiziletini aıtyldy.