Jambyl oblysynda prokýratýranyń úılestirýimen polısıa departamentiniń ekstremızmge qarsy kúres bólinisi UQK-men birlesip, dinı radıkaldar tobynyń 11 múshesin ustady, – dep habarlaıdy aqshamnews.kz
Olar áleýmettik jelilerde ózge din ókilderiniń sezimderin qorlaıtyn, óz dindesteriniń ústemdigin jáne ózge senimdegilerdiń tómendigin nasıhattaıtyn aýdıo jáne vıdeomaterıaldardy, sonyń ishinde sheteldik radıkaldy ýaǵyzshylardyń dáristerin taratqan.
Atalǵan materıaldardyń keıbiri buryn sot sheshimimen dinı alaýyzdyqty qozdyratyn aqparat retinde tanylyp, Qazaqstan Respýblıkasynyń aýmaǵynda taratýǵa tyıym salynǵan. Turǵylyqty jerlerin tintý barysynda túrli dinı mazmundaǵy materıaldar men basqa da aıǵaq zattar tárkilendi.
Saraptama nátıjesinde osy materıaldardan dinı alaýyzdyqty nasıhattaý belgileri anyqtaldy. Toptyń jetekshileri men belsendi músheleriniń tórteýi ýaqytsha ustaý ızolátoryna qamaldy, qalǵandary qylmystyń kýágerleri retinde kinálaryn moıyndady.
Top bolyp qasaqana dinı alaýyzdyqty qozdyrý belgileri boıynsha sotqa deıingi tergeý júrgizilip jatyr.