Danıa úkimeti dinı kitaptardy qoǵamdyq oryndarda órteýge tyıym salmaq.
Bul týraly atalǵan eldiń Ádilet mınıstri Pıter Hýmmelgord málim etti, dep habarlaıdy Almaty-akshamy.kz
Egemen.kz habarlaýynsha, mınıstrler kabıneti Qurandy, İnjildi, Torany kópshilik aldynda órtegen jaǵdaıda qylmystyq jaýapkershilikke tartylatynyn aıtty.
«Jaqynda Qurannyń órtenýi Danıaǵa qaýip tóndirdi. Bul Danıaǵa jáne el múddesine, sondaı-aq shet elderde júrgen danıalyqtardyń qaýipsizdigine nuqsan keltirýi múmkin. Dinı jazbalardy kópshilik aldynda órteýge tyıym salynýy kerek», - dedi mınıstr.
Sondaı-aq zańda shet memleketti, onyń týyn nemese basqa da ulttyq tańbalaryn, Birikken Ulttar Uıymynyń nemese Eýropalyq Keńestiń týyn kópshilik aldynda qorlaıtyn kez kelgen adamǵa aıyppul salynady nemese abaqtyǵa jabylady.
Eske salaıyq, Danıada Qurandy órteý oqıǵasy bolǵany málim.