Terorızmge qarsy is-qımyl Qazaqstanda ǵana emes álemdegi qaýipsizdik pen turaqtylyqty qamtamasyz etýge baǵyttalǵan mańyzdy is-qımyldyń biri bolyp otyr.
Terorıstik aktiler beıbit turǵyndarǵa, ekonomıkaǵa jáne áleýmettik turaqtylyqqa úlken zıan keltiredi. Sondyqtan terorızmge qarsy is-qımylmen tıimdi kúresýdiń mańyzy zor.
Osy oraıda Abaı atyndaǵy QazUPÝ-niń, Tarıh jáne quqyq fakúlteti Saıasattaný jáne áleýmettik-fılosofıalyq pánder kafedrasynyń oqytýshysy Nurlan Orynbekov «Dinı ekstremızm men terorızmniń aldyn alý boıynsha Almaty qalalyq aqparattyq-túsindirý tobynyń múshelerine arnalǵan» eki kúndik semınaryna qatysty.
Semınar barysynda Almaty qalasy Dinı ister basqarmasy basshylary, QR Ulttyq qaýipsizdik komıtetiniń, Terorızmge qarsy daıyndyq ortalyǵynyń spıkerleri jáne elimizdiń belgili qaıratkerleri atalǵan is-sharaǵa baılanysty mańyzdy aqparattarmen bólisip, jan-jaqty talqylady. Elimizdiń tynyshtyǵyn saqtaý maqsatynda uıymdastyrylǵan semınar joǵary deńgeıde ótti.