Dinı ekstremızm ıdeologıasyna ergenderdiń minez-qulyqtary qandaı?
Bul týraly Almaty qalasy Din isteri jónindegi basqarmanyń teolog-ǵalym Gúlnar Jaqanqyzy aıtyp berdi, dep habarlaıdy aqshamnews.kz.
«Olar adamdardar arasyna irtki salady, basqa din ustanýshylarǵa jekkórýshilik sezimmen qaraıdy, shydamsyzdyq tanytady. Intellektýalızmge qarsy turady. Tek óz degenderin ǵana durys kórip, sol jolda kez kelgen qatigezdikke bara alady. Adam óltirýden esh taıynbaıdy. Ózgeni de, ózin de ólimge qıa alady. Sektalyqty damytady. Sektaǵa kirgen adam óziniń bıliginen, ózinshe oılaýdan aırylady, otbasynan, jaqyndardan oqshaýlanady. Qoǵamnan alystaıdy»,- dedi teolog.
Onyń aıtýynsha, adamnyń dinı ekstremıstik aǵymǵa bet burǵanynyn mynadaı belgilerden bilýge bolady:
— qalypty qarym-qatynasy buzylady;
— kúndelikti ómir súrý qalpynan bas tartady;
— kózqarasy basqa jaqqa ózgeredi;
— oqýǵa, jumysqa qulqy bolmaıdy;
— negizgi ýaqytyn dinı kitaptar oqýǵa, shamadan tys qulshylyq jasaýǵa jumsaıdy;
— kıimge, taǵamǵa kózqarasy ózgeredi;
— kúndelikti aınalysatyn sharýalarynda ózgeris paıda bolady;
— burynǵy dostarymen, týystarymen qarym-qatynasty úzedi;
— jańa qońyraýlar, kezdesýler, saparlar paıda bolady;
— kúmándi kózderden keletin aqsha-qarajaty kóbeıedi.
«Bul aıtyp otyrǵan tujyrym kóptegen zertteýler negizinde jasalǵan. QR Bas prokýratýrasyndaǵy estremızm men terrrorızmge baılanysty qaralǵan qylmystardyń nátıjesinde dinı ekstremıstiń prortretin biz osylaısha berip otyrmyz», -dep qorytyndylady Gúlnar Jaqanqyzy.