2021 jyly 23 maýsymda Almaty qalasy ákiminiń orynbasary Erjan Babaqumarovtyń tóraǵalyǵymen ákimdiktiń janyndaǵy dinı birlestiktermen baılanys jónindegi qalalyq keńestiń otyrysy ótti, onyń quramyna jetekshi konfesıalardyń jetekshileri, dintanýshylar kirdi.
Keńestiń negizgi maqsaty – dinı senimderge qatysty usynystar men usynymdar ázirleý, qoǵamdaǵy rýhanı kelisimdi nyǵaıtý jáne konfesıaaralyq qatynastardy úılestirý. Mańyzdy mindetterdiń biri – daýly aımaqtardy anyqtaý jáne ishki ári konfesıalar arasyndaǵy daý-damaıdyń damýyna jol bermeý.
Kezdesý barysynda ekinshi jartyjyldyqtaǵy konfesıaaralyq kelisimdi nyǵaıtý boıynsha jumys jospary qaraldy. Onyń ishinde jyl saıyn 18 qazanda atap ótiletin Rýhanı kelisim kúni týraly da sóz boldy. Sonymen qatar aldaǵy kezeńge arnalǵan aǵymdaǵy mindetter talqylandy.
Kezdesýge qatysýshylar dinı ahýal týraly óz pikirlerimen bólisip, qaladaǵy konfesıalar arasynda rýhanı baýyrlastyqty nyǵaıtý jóninde usynystar aıtty. Jınalysta qala bas ımamynyń orynbasary E.Esim, Voznesennyı soborynyń qyzmetshisi A.Sývorov jáne basqalar sóz sóıledi.
Keńes tóraǵasy, ákimniń orynbasary Erjan Babaqumarov memlekettik-konfessıalyq qatynastar máselelerine erekshe nazar aýdarylatyndyǵyn atap ótti.
Almatyda 100-den astam túrli etnos ókilderi, sondaı-aq eldegi 18 konfesıanyń 17-si turady. Búgingi kúni qalada 184 jergilikti dinı birlestik bar, 115 ǵıbadat orny jumys isteıdi. 1991 jyldan bastap Almatyda dinı birlestikterdiń sany 12 esege ósti. 3 jańa meshit pen bir ǵıbadathananyń qurylysy júrip jatyr.