Erjan Babaqumarov: Almatylyq polıseıler - tabandylyqtyń, erliktiń, batyrlyqtyń úlgisi
Saltanatty sharaǵa qala ákiminiń orynbasary Erjan Babaqumarov, polısıa departamentiniń basshysy Qanat Taımerdenov, ardagerler jáne polısıa departamentiniń jeke quramy qatysty. Erjan Babaqumarovtyń aıtýynsha, megapolıste alty myńnan astam polıseı qyzmet etedi. Prezıdent Jarlyǵymen 36 almatylyq polıseıge polısıa general-maıory sheni berildi.
«Almaty polısıasy quqyq qorǵaý organdarynyń erligine úlgi bola alady. Sondyqtan almatylyqtar ózderin tolyqtaı qaýipsiz sezinedi. Pandemıanyń eń qıyn jaǵdaıynda da, búkil álemde qylmys artqan shaqta almatylyq polıseılerdiń tártipti qamtamasyz etkenderi sonshalyq, tipti, qylmys eki esege azaıdy. Mundaı kórsetkishtermen álemniń kez kelgen qalasy men quqyq qorǵaý júıesi maqtana alady. Óz ómirlerińiz ben densaýlyqtaryńyzdy táýekelge qoıa otyryp, táýlik boıy shahardyń tártibi men qaýipsizdigin qamtamasyz etkenderińiz úshin úlken alǵys aıtqym keledi. Sizderge jańa mańyzdy jetistikter, qyzmetterińizde sáttilik tileımin», – dedi Erjan Babaqumarov.
«Memleket basshysy óz Joldaýynda «Jurtqa jaqyn polısıa» qaǵıdasyn júzege asyrýdy atap ótti. Osyǵan baılanysty Almaty qalasy PD qylmyspen kúres jáne qoǵamdyq tártipti qorǵaýda jańa formalardy qoldanýda. Almaty qalalyq polısıa departamenti – qala ákimdiginiń qoldaýymen eldegi eń úzdik materıaldyq-tehnıkalyq jaǵynan qamtamasyz etilgen İshki ister mınıstrliginiń iri qurylymdyq bólimshesi. Sonymen qatar osy jyly jas polısıa qyzmetkerlerine «Almaty jastary» qalalyq turǵyn úı baǵdarlamasyna qatysýǵa múmkindik berildi. Qazirdiń ózinde 14 áriptesimiz páter aldy», – dedi Almaty qalalyq polısıa departamentiniń bastyǵy Qanat Taımerdenov.
Búginde Almaty polısıasyna jańa vedimistik emhana men sport kesheni salynýda.
Spıkerdiń aıtýynsha, Almaty qalasynyń qyzmetteri men polısıa bólimsheleriniń 166 qyzmetkeri ózderiniń kásibı merekelerinde marapattaldy.