Tanymal ázilkesh jáne asaba Ǵalymjan Qurmanbektiń aıtqan pikiri qoǵamda úlken daý týǵyzdy.
Óner ıesi «Keshegi Qarasaı batyr, Qabanbaı batyr, Bógenbaı batyrlar jer úshin emes, Islam dini úshin soǵysty» dep aıtqan sózi kópshiliktiń nazaryn aýdardy. Ol bul sózdi ıslamtanýshy ǵalymdar, ımamdar, din qyzmetkerleri jınalǵan úlken keshte aıtqan bolatyn.
«... Otandy súıý – ımannan. Keshegi Qabanbaı, Bógenbaı, Mahambet, Isataı, Raıymbek pen Qarasaılar jer úshin soǵysqan joq, aǵaıyn. Olar Islam úshin soǵysty. Ata dinimiz úshin soǵysty. Óıtkeni ımansyz urpaqqa jerdiń qajeti joq edi. Myna jerge ıe bolatyn ımandy urpaqtyń dini úshin soǵysty. Alla jolynda soǵysty. Endi osy zamannyń batyrlary sizdersizder. Sol soǵysty jalǵastyryp kele jatqan sizdersizder, ıgi jaqsylar», - dedi ol jınalǵan qaýymǵa.
Ǵalymjan Qurmanbektiń pikiri qoǵamda úlken rezonans týǵyzdy. Bir top belsendi azamattary «Qazaq batyrlary din úshin soǵysty» degen Ǵalymjan Qurmanbekovtiń sózine zańdyq turǵyda baǵa berýdi surap resmı oryndarǵa hat joldady
Bul jaǵdaı tarıhı jáne mádenı máselelerdiń qanshalyqty mańyzdy ekenin jáne olardy talqylaý kezinde abaı bolý kerektigin kórsetedi.