2024 jylǵy 10 sáýirde saǵat 10:00-de Almaty qalasynda birneshe nomınasıalar boıynsha din salasynyń ózekti máseleleri týraly úzdik materıaldardy (maqalalar, rolıkter jáne t.b.) daıyndaý baıqaýy boıynsha baspasóz konferensıa ótedi.
Jurt nazaryn din salasyndaǵy memlekettik saıasattyń ózekti máselelerine aýdarý. Buqaralyq aqparat quraldary men áleýmettik jeliler arqyly halyqty din salasyndaǵy memlekettik saıasattyń mańyzdy baǵyttary men ekstremıstik jáne radıkaldy dinı aǵymdar ıdeologıasynyń zıandylyǵynan habardar etý. Jýrnalıser men BAQ-ty, sondaı-aq din salasyndaǵy ózekti máseleler boıynsha materıaldar jarıalaıtyn basqa da tulǵalardy qoldaý - baıqaýdyń negizgi maqsaty.
Baıqaý kelesi nomınasıalar boıynsha ótkiziledi:
- Internet-resýrstaǵy qazaq tilindegi úzdik maqala;
- Internet-resýrstaǵy orys tilindegi úzdik maqala;
- «Instagram» áleýmettik jelisindegi úzdik beınerolık;
- «Tıktok» áleýmettik jelisindegi úzdik beınerolık;
- úzdik áleýmettik beınerolık;
- Digital Art sheńberindegi úzdik fotojoba;
- Úzdik óleń;
- Úzdik úndeý jáne uran;
- Úzdik pikir;
- Áleýmettik jelilerdegi úzdik taqyryptyq post.
Atalǵan 10 nomınasıa boıynsha jalpy júlde qory 3 050 000 teńgeni quraıdy.
Baıqaýdy Almaty qalasy Din isteri jónindegi basqarmasynyń tapsyrysy boıynsha «JASTAR» damytý ortalyǵy» jastar qoǵamdyq birlestigi uıymdastyrýda.
Konferensıa barysynda baıqaýdyń uıymdastyrylýy men sharttary jaıly tolyqqandy aqparat aıtylady.
Shara Almaty qalasy, Smart.Point kovorkıng sentri, Freedom konferens zalynda ótedi.