Onyń burynǵy aty-jóni – Alekseenko Krıstına Nıkolaevna.
Dımashtyń shyǵarmashylyǵymen 2019 jyldan beri tanys reseılik fanat ánshiniń tegine aýysyp aldy, dep habarlaıdy Almaty-akshamy.kz
Bul týraly fanat óziniń ınstagram paraqshasynda jazdy.
«Resmı túrde Kýdaıbergenova boldym! Ózime qatty unaıdy. Myna famılıamen esimim de ádemi úılesedi. Dı alǵashqy sekýndtarda-aq meniń júregimdi jaýlap alǵan sıaqty. Sol kezde-aq «Qudaıbergen (ov)» degen qulaǵyma jaǵymdy estildi», - dep jazdy Krıstına ınstagram jelisinde.
Krıstınanyń jazýynsha, 2021 jyldyń qańtarynda ata-anasy, sol jyldyń sáýirinde ájesi qaıtys bolǵan. Tyńdarman qaıǵysyna Dımashtyń áninen jubanysh tapqanyn jazady.
«Dımashtyń ánderin qaıta-qaıta tyńdadym, júregimniń aýyrǵanyn basty. Ómirge degen qulshynysym oıandy. Ómir súrýim kerek ekenin túsindim. Maǵan jasaǵan jaqsylyǵynyń óteýine famılıasyn alamyn. Dımashqa sheksiz raqmet», - dep jazdy ol.
