5-shi Dúnıejúzilik kóshpendiler oıyndarynyń kórermenderi men qonaqtary Dımash Qudaıbergenniń "Astana Arena" stadıonyndaǵy konsertinen keıin stadıondy qoqystan tazartty.
Mundaı tazalyq aksıalary elordada turatyn ári qalanyń tazalyǵyna beı-jaı qaramaıtyn turǵyndar úshin ıgi dástúrge aınaldy, dep habarlaıdy aqshamnews.kz.
Kórermender arasynda sheteldik qonaqtar da boldy, olar jankúıerlerdiń belsendiligine jáne olardyń sanaly kózqarasyna tań qaldy. Tazalyq aksıasyna «Astana Jastary» KMM belsendileri, eriktiler, sol sıaqty jankúıerler de qosyldy.
Esterińizge sala keteıik, 13 jáne 14 qyrkúıek kúnderi "Astana Arena" stadıonynda Dımash Qudaıbergenniń aýqymdy konserti ótip jatyr. Kórermenderge yńǵaıly bolý úshin konsert ótetin orynǵa arnaıy avtobýstar qatynaıdy. Arnaıy avtobýstarmen júrý úshin konsert bıleti bolýy qajet.
Aıta keteıik, elordada «Taza Qazaqstan. Astana – tazalyq pen tártiptiń úlgisi» aýqymdy ekoaksıasy ótip jatyr. Sonymen qatar, elordada jańadan Taza Astana áleýmettik jobasy iske qosyldy. Joba quqyqtyq tártip, abattandyrý, kógaldandyrý, sanıtarlyq tazalaý, kóppáterli turǵyn úılerdiń, úı janyndaǵy, kvartalishilik jáne aýla aýmaqtarynyń tazalyǵy máseleleri boıynsha júıeli jumys júrgizýge baǵyttalǵan.