Ánshi Dımash Qudaıbergen 23 jeltoqsanda Gonkongta jeke konsertin ótkizedi.
Konsert STRANGER álemdik týrnesi aıasynda ótpek, dep habarlaıdy Almaty-akshamy.kz.
Bul týraly ánshiniń jeke saıtynda habarlandy.
«2023 jyldyń 23 jeltoqsanynda Dımash STRANGER álemdik týrnesiniń aıasynda Gonkongta jańa jeke konsertin ótkizedi. Bul kúnniń Dımashtyń shyǵarmashylyq ómirinde mańyzy zor. Dál osy kúni, 7 jyl buryn qazaqstandyq ánshi «I am Singer» jobasyna qatysý úshin Qytaıǵa alǵash ret baryp, Dears-pen birlesken sapary bastaldy. Bılet satylymynyń bastalýy týraly aqparat jaqyn arada belgili bolady. Jańalyqtardan habardar bolyńyzdar», - dep jazylǵan habarlamada.
Aýqymdy shoý 20:00-de Gonkong kórme ortalyǵynda, HALL 5BC-de ótedi.