Áleýmettik jelilerde ánshi Dımash Qudaıbergenniń qazaqstandyqtardy «Alǵa Qazaqstan» opozısıalyq partıasyna kirýge shaqyrǵany týraly aqparat tarap jatyr. Stopfake.kz saıtynyń jazýynsha, bul aqparat – jalǵan.
«Atalǵan jańalyqtyń derekkózi – qazinform24 satıralyq Instagram-akkaýnty. Paraqshada shynaıy jáne senimdi aqparattar jarıalanbaıdy, bul týraly onyń profılinde jazylǵan. Akkaýntta tek oıdan shyǵarylǵan «jańalyqtar» jarıalanady. Demek, ánshiniń opozısıalyq partıalarǵa qosylýǵa shaqyrǵany týraly aqparatqa senýdiń qajeti joq. Bul – ótirik», - dep jazady saıt.