Dýlat Dımashty óz dosyndaı kórdi.
Ánshi Dımash Qudaıbergen naýqas balanyń arman-tilegin oryndady, dep habarlaıdy Almaty-akshamy.kz Aikyn.kz silteme jasap.
Búldirshinniń eń úlken armany Dımashpen kórisý bolatyn. Bul jaıynda ánshi óziniń Instagram paraqshasynda jazǵan.
Jeti jasar balanyń esimi – Dýlat. Ol qazir Dýbaıda em qabyldap jatyr.
«25 naýryzda Dýbaıdaǵy konsertten keıin jańa dosym Dýlatpen tanystym. Ol maǵan eń bastysy – ómirdi súıýdi, adamdardy jaqsy kórýdi jáne qýanyshyńmen bólisýdi úıretti. Dýlat bárin qorǵaǵysy keletin perishte sıaqty. Óıtkeni bárine meıirlene, quraq ushyp turady. Janyndaǵy jandardy qushaqtap, jylylyǵyn aıamaıdy. Osyndaı erekshe balapanmen tanystyrǵan «Meniń armanym» jobasynyń uıymdastyrýshylaryna rahmet», – dedi ol.
Olardyń kezdesýin «Meniń armanym» korporatıvtik qory uıymdastyrǵan.
Qor ókili Sholpan Arnaýttyń aıtýynsha, Dýlat Dımashty óz dosyndaı kórdi. Ol Dýbaıda ótkizgen eki kúninde ózin óte baqytty sezindi. Uıymdastyrýshylar 25 naýryzda Dımashtyń konserti bolatynyn estip, arnaıy Dýbaıǵa ushyp kelgen. Olardyń basty maqsaty – aýyr dertke shaldyqqan balalardyń armanyn oryndaý. Qordyń jumys istep jatqanyna bir jyldan asty. Dýlat - qordyń qamqorlyǵymen armany oryndalǵan 100-shi bala.
Posmotret etý pýblıkasıý v Instagram