Qazaqstannyń Halyq ártisi Dımash Qudaıbergen Fransıa prezıdenti Emmanúel Makronǵa alǵys bildirdi.
Tanymal ánshi óziniń áleýmettik jelidegi paraqshasynda eki el arasyndaǵy qarym-qatynastyń nyǵaıa berýine tilektestik bildirdi, dep habarlaıdy aqshamnews.kz.
Taıaýda prezıdentimiz Qasym-Jomart Kemeluly Toqaevtyń Fransıaǵa memlekettik sapary boldy. Osy saparda elimizdiń delegasıasynyń quramynda bolǵanym úshin qýanyshtymyn. Prezıdent Emannúel Makronǵa shaqyrýy men qonaqjaılylyǵy úshin alǵys aıtamyn.
Elıseı saraıynyń qonaqtaryna arnap fransýz tilinde «SOS d’un terrien en détresse» ánin shyrqap, fransýz dostarymyzǵa ystyq yqylaspen qazaqtyń «Daıdıdaý» halyq ánin tanystyrdym. Eki eldiń arasyndaǵy mádenı baılanys keńeıip, nyǵaıa bersin! - dep jazdy ol.