Qandaı oqý ornyna túskeni belgisiz.
Qazaqstannyń álemge tanymal ánshisi Dımash Qudaıbergen halyqaralyq «Bolashaq» stıpendıasyna ıe boldy, dep habarlaıdy Almaty-akshamy.kz QazAqparatqa silteme jasap.
Búgin «Bolashaq» halyqaralyq stıpendıasy ıegerleriniń tizimi jarıalandy. Respýblıkalyq komısıa sheshimimen bıylǵy halyqaralyq stıpendıa 178 adamǵa taǵaıyndaldy. Onyń ishinde 60 adam álemniń úzdik joǵary oqý oryndarynyń magıstratýrasyna, 8 adam doktorantýrasyna tústi. Sondaı-aq, 110 stıpendıat «Taǵylymdama» baǵdarlamasy boıynsha biliktiligin arttyrady.
Atalǵan stıpendıaǵa ıe bolǵandardyń tiziminde belgili ánshi Dımash Qudaıbergen de bar. Biraq qandaı oqý ornyna túskeni belgisiz.
Aıta ketsek, «Bolashaq» stıpendıasynyń ıegerleri álemniń 20 elinde akademıalyq bilim alady jáne taǵylymdamadan ótedi.
Memleket basshysynyń tapsyrmasy aıasynda «Bolashaq» baǵdarlamasyn qaıta baǵdarlaý prosesi iske qosyldy. Endi basymdyq ınjenerlik-tehnıkalyq kadrlardy daıarlaýǵa beriledi.
Eske sala ketsek, keshe QR Memlekettik keńesshisi Erlan Qarınniń tóraǵalyǵymen shetelde kadrlar daıarlaý jónindegi respýblıkalyq komısıanyń kezekti otyrysy ótti.