«King Choice» reıtinginde Dımashtyń jınaǵan daýysy - 7 mln 798 myń
Esimi álemge áıgili ánshi Dımash Qudaıbergen «King Choice» reıtıńinde (Azıadaǵy eń symbatty 100 jigiti) birinshi orynda tur, dep habarlaıdy Almaty-akshamy.kz
Kingchoice.me saıtynda júrgizilip jatqan daýys berý 30 qyrkúıek kúni aıaqtalady. Al búgingi derekterge sáıkes, jankúıerleriniń 7 mln 798 myń daýysyn jınaǵan Dımash Qudaıbergen birinshi orynda tur. Al ekinshi oryndaǵy Ońtústik Koreıanyń BTS tobynyń solısi Kım Sokdjın (Kim Seokjin) 7 mln 371 myń daýys jınaǵan. Úzdik úshtiktiń qatarynda taǵy koreılik óner ıesi bar. Akter Cha Ynýdyń 1 mln 350 myń daýysy bar. Aıta keteıik, 19 qyrkúıekte «Jas Otan» Jastar qanatynyń belsendileri áleýmettik jelilerde «King Choice» reıtıńinde Dımash Qudaıbergenge daýys berýdi qoldaý úshin #JasOtanQoldaidy aksıasyn iske qosqan bolatyn.
«Jas Otan» JQ tóraǵasy Nurjan Jetpisbaev ta áleýmettik jelilerde qazaqstandyqtardy otandasymyzǵa daýys berýge shaqyrǵan edi. Bul úndeý jasotandyqtar arasynda chellendjge ulasty.