«Qazaq halqyna, Dımashqa jasaǵan qurmetim», - deıdi shveısarıalyq kórermen
Naýryz merekesine oraı naryqqa OPPO-nyń jańa flagmasy – «OPPO Reno8 T Series» smartfonynyń tanystyrylymy ótti. Atalmysh is-sharany ORRO kompanıasynyń Qazaqstandaǵy resmı dıstrıbútory Freedom Mobile uıymdastyrdy. İs-sharaǵa «Ulytaý» aspapty etno-rok stılindegi mýzykalyq top pen álemge tanymal estrada ánshisi Dımash Qudaıbergen qatysty.
«Men Shveısarıadan Almatyda toılanyp jatqan merekege arnaıy keldim. Maǵan qazaq jeri qatty unaıdy. Qalada úsh kún qatarynan konserttik is-sharalar uıymdastyryldy. Sondaı-aq, Dımash Qudaıbergenniń ónerine erekshe tamsanamyn. Onyń Dýbaıda, Almatyda, Qytaıda ótken barlyq konsertinen qalmaı baramyn. Dımashtyń «OPPO Reno8 T Series» smartfonynyń bas ambassadory ekenin estigende, bul keshten de shet qalmaý kerektigin uǵyndym. Ústime ulttyq stıldegi beshpet kıip, oıýmen órnektelgen buıymdaryn taǵyp aldym. Bul da qazaq halqyna, Dımashqa jasaǵan qurmetim dep bilemin. Ónerli, talantty jastardyń ordasyna aınalǵan qazaq jurtyna qyzyǵa da, qyzǵana da qaraımyn», – deıdi shveısarıalyq kórermen.
Merekelik keshte qurmetti qonaqtarǵa arnalǵan oıyndar uıymdastyryldy. Dımash Qudaıbergenniń tyńdarmandary kókeıde júrgen suraqtaryn qoıýǵa múmkindik aldy. Kesh sońynda qonaqtardyń ketpeýin ótingen Dımash barlyǵymen sýretke tústi. Kesh qonaqtaryn kóktemniń shýaqty Naýryz meıramymen Dımash Qudaıbergenniń ózi quttyqtady.
«Ultymyzdyń mereıin ósirip, bar bolmysymyzdy aıshyqtaıtyn qasıetti Naýryz merekesi elimizge, árbir otbasyna birlik pen qýanysh, qut-bereke, baqyt pen molshylyq ákelsin! Elimiz tynysh, týǵan jerimiz aman bolyp, árbir jańa kún ár otbasyna shat kóńil, baqyt jáne bereke syılasyn! Qaıda júrsek te ulttyq bolmysymyzdy saqtaýǵa, ulyqtaýǵa barymyzdy salaıyq», – dedi bizdiń Dımash.
Tanystyrylymǵa kelgenderdiń basym kópshiligi Dımashtyń jankúıerleri.
«Men - Dımashtyń ónerine tánti bolǵandardyń birimin. Onyń jarnamalaǵan ónimderine senim artamyn. Sol úshin balama «OPPO Reno8 T Series» smartfonyn satyp aldym. Uıymdastyrýshylardyń uıymdastyrǵan oıyndarynan jeńimpaz atandyq. Qýanyshymda shek joq. Men úshin Dımashtyń daýsy jan-dúnıeme em bolady. Ony tyńdaǵan saıyn ózimdi baqytty sezinemin», – dedi Gúlmıra Murat.