Ánshi 2020 jyly "Avangard" fılmininiń Happy saýndtregin oryndaǵan.
Dımash Qudaıbergen Djekı Channyń jańa fılminiń saýndtregin oryndady, dep habarlaıdy Almaty-akshamy.kz
12 shildede Djekı Channyń kópten kútken jańa "Ańyz" atty fılmi prokatqa shyqty.
«Fılmniń sońynda Dımash Qudaıbergenniń oryndaýyndaǵy This Love ("Bul mahabbat") saýndtregi shyrqalady. Trek 5 shildede mýzykalyq platformalarǵa shyqty»,-dep jazdy dimashnews.com saıty.
Djekı Channyń ózi basty róldi somdaǵan jańa fılmniń tarıhy arheolog Djek týraly jáne onyń shákirtterimen birge arman álemi men shyndyq arasynda kópir qyzmetin atqaratyn artefaktty qalaı tapqany týraly baıandaıdy. Arheolog muzdyq qazbalary kezinde tabylǵan jádigerlerdiń tekstýrasy túsinde kórgen nefrıt kýlonyn eske túsiretinin aıtady.
"This Love" ánin Djekı Chanmen uzaq jyldar boıy jumys istegen Oskardyń mýzykalyq tóreshisi, maestro Natan Vang jazǵan. Jańa án Van myrza men Dımashtyń úshinshi birlesken týyndysy.