«Egemen Qazaqstan» RG» JSHS Bas dırektory laýazymyna Dıhan Qamzabekuly taǵaıyndaldy, dep habarlaıdy Almaty-akshamy.kz Egemen.kz silteme jasap.
Jańa basshyny ujymǵa Aqparat jáne qoǵamdyq damý mınıstri Darhan Qydyráli tanystyryp, Dıhan Qamzabekulyna júktelgen laýazymnyń jaýapty qyzmet ekenin aıta otyryp, sáttilik tiledi.
Dıhan Qamzabekuly 1966 jyly 19 maýsymda Ońtústik Qazaqstan oblysy Túlkibas aýdanynda dúnıege kelgen. Abaı atyndaǵy Qazaq memlekettik pedagogıka ınstıtýtyn qazirgi Abaı atyndaǵy Qazaq ulttyq pedagogıka ýnıversıtetin támamdaǵan.
Fılologıa ǵylymdarynyń doktory, profesor, memlekettik «Daryn» Jastar syılyǵynyń, Qazaqstan Respýblıkasy Jýrnalıser odaǵynyń Sultanbek Qojanuly atyndaǵy syılyǵynyń, Qazaqstan Respýblıkasy Prezıdenti stıpendıasynyń ıegeri, QR UǴA korespondent-múshesi.
1990-1996 jyldary Qazaqstan Respýblıkasy Ulttyq Ǵylym akademıasy Muhtar Áýezov atyndaǵy Ádebıet jáne óner ınstıtýtynyń ǵylymı qyzmetkeri bolyp eńbek jolyn bastady.
1996-2000 jyldary L.N.Gýmılev atyndaǵy Eýrazıa ýnıversıteti Qazaq ádebıeti kafedrasynyń meńgerýshisi, 2000-2001 jyldary L.N.Gýmılev atyndaǵy Eýrazıa ýnıversıtetiniń aǵa ǵylymı qyzmetkeri, 2001-2004 jyldary Qazaq ulttyq Mýzyka akademıasy Til jáne ádebıet kafedrasynyń meńgerýshisi, 2004-2005 jyldary L.N.Gýmılev atyndaǵy Eýrazıa ulttyq ýnıversıteti Gýmanıtarlyq ınstıtýtynyń dırektory qyzmetterin atqarǵan. 2005 jyldan bastap L.N.Gýmılev atyndaǵy ulttyq Eýrazıa ýnıversıtetiniń oqý-ádistemelik jumys jónindegi prorektory, ýnıversıtet janyndaǵy «Alash» mádenıet jáne rýhanı damý ınstıtýtynyń dırektory bolyp qyzmet etken.
Sonymen qatar Qambar Ahmetov «Egemen Qazaqstan» RG» JSHS Bas dırektorynyń orynbasary boldy.
Eske sala ketsek, respýblıkalyq gazettiń burynǵy basshysy Darhan Qydyráli Aqparat jáne qoǵamdyq damý mınıstri qyzmetine taǵaıyndalǵan edi.