Áleýmettik jelide órttiń vıdeosy tarap jatyr
Almatyda taý baýraıyndaǵy tabıǵı órt toqtar emes. Endi Kóktóbe saıabaǵy mańynda qýraǵan shóp janyp jatyr, dep habarlaıdy Almaty-akshamy.kz Q azAqparatqa silteme jasap.
Áleýmettik jelide órttiń vıdeosy tarap jatyr.
Almaty qalalyq Tótenshe jaǵdaılar departamentiniń «101» púltine saǵat 18:58-de Medeý aýdany, Jánibekov kóshesi, 78 mekenjaıy boıynsha órt shyqqan týraly habarlama tústi.
«Tutanǵan tabıǵı órtti sóndirýge órt sóndirýshiler joǵary dárejedegi shaqyrtýmen jiberildi», - dep habarlady vedomstvodan.
Aıta keteıik, búgin tańǵy saǵat 11:08 shamasynda Medeý aýdanyndaǵy taý bókterinde qýraǵan shóp tutanǵan bolatyn.
Budan bólek, qazir Keńsaı zıraty aýmaǵynda tutanǵan tabıǵı órtti sóndirýmen 100-den astam adam aınalysyp jatyr.