Forým Almaty qalasynda 2024 jyldyń 1-3 aqpan aralyǵynda ótedi, dep habarlaıdy Almaty-akshamy.kz.
Bul jaıynda Sıfrlyq damý, ınovasıalar jáne aeroǵarysh ónerkásibi mınıstrliginiń Aqparattyq tehnologıalar salasyn damytý departamentiniń dırektory Ersultan Ermanov Ortalyq komýnıkasıalar qyzmetiniń alańynda habarlady.
«Forým GovTech, 4.0 ındýstrıasy, ESG, Smart City jáne basqa da salalardaǵy ónerkásiptegi sıfrlyq transformasıa jáne ınovasıalyq sheshimder taqyryptaryn ashatyn aýqymdy iskerlik baǵdarlamany usynbaq. Paneldik pikirtalastar sheńberinde halyqaralyq sarapshylar, sala kóshbasshylary, IT jáne bıznes salasyndaǵy jetekshi ınnovatorlar qatarynan 200-den astam spıker qatysady. Olar ekonomıka men ınovasıa sektorlarynda jańa tehnologıalardy qoldaný jaıynda tabysty keısterimen bólisedi», – dedi spıker.
Sondaı-aq forýmda Demo day ótkiziletin sıfrlyq vıse-mınıstrlerdiń birinshi otyrysy uıymdastyrylady. Ár mınıstrlik óziniń iske asyryp jatqan aqparattyq júıelerin kórsetedi.