Amerıkalyq dárigerlerdiń aıtýynsha, qant dıabetine shaldyqqan adamnyń terisinde kishkentaı qyzyl bórtpeler paıda bolady.
Amerıkalyq dermatologıa akademıasynyń mamandary qant dıabeti adamnyń barlyq múshelerine, sonyń ishinde terige de zıandy áser etetinin eskertti, dep habarlaıdy Almaty-akshamy.kz Lenta.ru saıtyna silteme jasap.
Mamandardyń málimetinshe, aýrýdyń bolýy múmkin ekenin kórsetetin bul sımptomdy jaı kózben-aq kórýge bolady. Bul bezeýge uqsaıtyn kishkentaı qyzyl bórtpelerdiń paıda bolýy, olar ýaqyt óte kele sary, qyzyl nemese tipti qońyr tústi sopaq daqtarǵa aınalady. Kóbinese aıaqtyń tómengi bóligindegi terisi zaqymdalady. Bórtpe tyǵyz, qatty bolady jáne isinýi múmkin.
Dermatolog Reıgan Anderson bul aýrýdyń belgileriniń biri ekenin atap ótip, mundaı bórtpeniń bári adamnyń qant dıabetimen aýyratynyn bildirmeıdi dep otyr. Osyndaı bórtpe baıqalǵan jaǵdaıda dereý dárigermen keńesýdi usynady, sonda ǵana qajetti qan taldaýynan ótip, naýqasta qant dıabeti bar-joǵyn naqty aıtýǵa bolady.
Budan buryn brıtandyq farmasevt Sýmaıı Patel 2-tıpti qant dıabetiniń negizgi alty sımptomyn atady, olardyń biri túnde baıqalýy múmkin.
Dúnıe júzinde shamamen 537 mıllıon eresek adam qant dıabetimen aýyrady jáne bul kórsetkish artyp keledi. Aýrý qandaǵy qant deńgeıiniń turaqsyzdyǵynan týyndaıdy, qajetti sharalar qabyldanbaǵan jaǵdaıda organızmge zaqym keltirý qaýpin týdyrady.