Bul týraly Ortalyq saılaý komısıasynyń múshesi Asylbek Smaǵulov málimdedi.
Májilis pen máslıhat depýtattyǵyna kandıdattar sotqa 166 talap-aryz bergen, dep habarlaıdy Almaty-akshamy.kz
Smaǵulov saılaý prosesinde týyndaǵan daýlar sot tártibi arqyly da sheshilgenin atap ótti.
"Sottarǵa májilis pen máslıhat depýtattyǵyna kandıdattardan barlyǵy 166 talap-aryz túsken. Onyń ishinde Joǵarǵy sottyń qaraýyna – 55, mamandandyrylǵan aýdanaralyq ákimshilik sottarǵa – 104 jáne aýdandyq sottarǵa 7 talap-aryz berildi", - dedi Ol Ortalyq saılaý komısıasynyń otyrysynda.
Aıtýynsha, 166 talap-aryzdyń 82-si májilis depýtattyǵyna kandıdattardan, al qalǵan 84-i máslıhat depýtattyǵyna úmitkerlerden túsken.
"Búginde sottarda 164 talap-aryz qaraldy. Onyń ishinde 49-y qanaǵattandyryldy, 84 talap-aryzdy sottar qanaǵattandyrýdan bas tartty, 15 talap qoıýshy aryzyn keri qaıtaryp aldy, al 16 aryzdy sot qaraýsyz qaldyrdy", - dedi Smaǵulov.
Qazir sottardyń qaraýynda májilis pen máslıhat depýtattyǵyna kandıdattardan eki talap-aryz jatyr. Sondaı-aq okrýgtik komısıalardyń sheshimimen májilis depýtattyǵyna 6 kandıdattyń quqyǵy qalpyna keltirildi.
Sotqa túsken 166 talap-aryzdyń eń kóbi kandıdattar usynǵan aktıvter men mindettemeler týraly deklarasıalardaǵy málimetterdiń durys bolmaýyna baılanysty bolǵan.