Qudaıbergen Erjan Bas prokýrordyń atyna depýtattyq saýal joldady.
Májilis depýtaty Qudaıbergen Erjan Shardara sý qoımasynda sý tasqyny qaýpi baryn eskertti, dep habarlady Almaty-akshamy.kz Halyq Uni-ne silteme jasap.
Onyń aıtýynsha, BAQ-ta Shardara sý qoımasynyń tolyp ketý jáne Syrdarıa ózeniniń boıyndaǵy eldi mekenderdi sý basý qaýpi týraly aqparat jarıalanyp jatyr.
«Saılaýshylardan osy jóninde hattar da, qońyraý da kelip túsýde. Halyq qorqyp, úreılenip otyr. Sardoba sý qoımasynyń joıylýynyń saldary áli umytylǵan joq. Olar Shardara sý qoımasynyń odan birneshe ese asyp túsetinin jaqsy túsinedi», - dedi ol Bas prokýrorǵa joldaǵan depýtattyq saýalynda.
Qudaıbergen Erjannyń aıtýynsha, «Shardara» sý elektr stansıasynyń jumysy jabdyqtar men qurylysqa teris áser etetin shekti normadan asqan. Depýtat Bas prokýror Berik Asylovtan nysandy tekserýdi surady.
«Jaǵalaýdy buzady jáne kópirlerdi jýady. Bul sharýalardyń egistiginde jer asty sýynyń kóbeıýine ákeledi. Berik Noǵaıuly, sizden osy máselelerdi qatań nazarǵa alyp, halyq ıgiligin qorǵaý úshin tıisti sharalar qabyldaýyńyzdy suraımyn, - dedi depýtat.
Aıta keteıik, Shardara sý qoımasy Túrkistan oblysynda ornalasqan. Qoımanyń jalpy syıymdylyǵy – 5 mlrd 200 mln tekshe metr.