Almaty polısıasy zańsyz aınalymnan esirtkiniń iri partıasy men qarýdy tárkiledi.
Polısıa qyzmetkerleri 52 jastaǵy R. esimdi azamattyń páterinen esirtkimen qatar, jasyryn túsirilim men telefondy tyńdaýǵa arnalǵan arnaıy jabdyqty tapty, dep habarlaıdy Almaty-akshamy.kz Polisia.kz-ke silteme jasap.
Sol jerde OSA travmatıkalyq tapansha, pnevmatıkalyq avtomat jáne qyrly qarýdyń belgileri bar alty túrli pyshaq tabyldy.
«Kúdiktiniń páterin tintý kezinde 2 keliden astam erekshe ıisi bar qońyr tústi zat, sondaı-aq qońyr tústi erekshe ıisi bar tuqym túrindegi zat salynǵan polıetılen býmasy tabyldy jáne tárkilendi. Boljam boıynsha másele gashısh esirtkisi men qarasora tuqymy týraly bolyp otyr. Esirtki qylmysy jáne qarý saqtaý deregi boıynsha sotqa deıingi tergeý amaldary tirkeldi. Tergeý barysynda kúdiktiniń buryn sotty bolǵany da eskeriletin bolady», – dedi Almaty qalalyq PD esirtki qylmysyna qarsy kúres basqarmasynyń bastyǵy Erlan Álmaǵambetov.
Qazir tergeý kúdiktiniń shópti qaıdan alǵanyn jáne ony ne úshin saqtaǵanyn anyqtap jatyr. Sonymen qatar qarý-jaraq pen arnaıy tehnıkalyq quraldardy saqtaý maqsaty belgili bolady.