Májilis depýtaty Konstantın Avershın Qorǵanys mınıstri Rýslan Jaqsylyqovqa joldaǵan saýalynda áskerı sala máselesin kóterdi, dep habarlaıdy Almaty-akshamy.kz BAQ.KZ-ke silteme jasap.
Búginde Qazaqstan Qarýly kúshteriniń jaǵdaıy týraly ártúrli pikir bar. Jaǵdaı shıelinisip tur. Ókinishke qaraı, muny áskerı boryshyn ótemegen, áskerı salaǵa qatysy joq «dıvan sarapshylary» aıtady. Bul máselege jaýapkershilikpen qarap, bos sózge jol berýge bolmaıdy, - dep aıtty depýtat.
Avershın atap ótkendeı, halyq Qazaqstan Qarýly Kúshterindegi istiń jaıynan jaqsy habardar bolýǵa tıis. Bul ulttyq qaýipsizdik jáne áskerge shaqyrýshylardyń ómiri men densaýlyǵyna tikeleı baılanysty. Sebebi olar da bireýdiń balasy, aǵasy men týysy.
Qorǵanys mınıstrligimen birlesip, «Qazaqstannyń jalpyǵa birdeı áskerı mindet jáne áskerı qyzmet týraly» zańǵa sáıkes (keıinge qaldyrý ne basqa da negizder boıynsha) áskerı bólimderde tıisti áskerı-dárigerlik komısıany ótkennen keıin áskerge shaqyrylmaǵan azamattardy merzimdi áskerı qyzmet óteý sharttary negizinde erikti tártippen áskerde (1-3 aı) bolý múmkindigin pysyqtaý qajet. Bul shara áskerı qyzmet týraly shynaıy aqparat taratqysy keletin múddeli tulǵalar, ıaǵnı blogerler, jýrnalıser, qoǵamdyq pikir kóshbasshylaryna múmkindik berip, olar áskerdiń atmosferasyn sezine alady. Qoǵamǵa Qazaqstan Qarýly kúshteri qatarynan reportajdar usynylady, - dep aıtty Májilis depýtaty.
Sondaı-aq bul kez kelgen azamatqa, naǵyz patrıottarǵa is júzinde eldiń qorǵanys qabiletin nyǵaıtýǵa óz úlesin qosýǵa múmkindik beredi. Olar áskerı qyzmettiń barlyq qıyndyǵy men aýyrtpalyǵyn sezinedi. Depýtattyń oıymsha, bul olardyń dúnıetanymyn ózgertedi.
Osylaısha, áskerı qyzmet týraly aqparat taratatyn tulǵalardyń jaýapkershiligi de artady. Sondaı-aq bul shara qandaı da bir jaǵdaıǵa baılanysty Otan aldyndaǵy boryshyn ótemegen, qolyna avtomat ustamaǵan adamdarǵa alǵashqy áskerı daıyndyqtan ótýge múmkindik beredi. Qazaqstan Qorǵanys mınıstrligine osy máseleni qaraýdy, normatıvtik-quqyqtyq aktilerge, Qorǵanys mınıstrliginiń buıryqtaryna tıisti ózgerister engizý týraly usynystar daıyndaýdy, qajet bolsa, azamattardyń áskerı jıyndardan ótýine qatysty jańa buıryqtar ázirleýdi usynamyn, - dep túsindirdi Avershın.