Depýtat Ardaq Nazarov Májilis otyrysynda anasyn quttyqtady, - dep habarlaıdy Aqshamnews.kz tilshisi.
Májilis otyrysynda zań jobalary qaralǵannan keıin depýtattar túrli memlekettik organdar basshylaryna joldanatyn depýtattyq saýaldaryn oqıdy. Májilis tóraǵasynyń orynbasary Danıa Espaeva sózdi Ardaq Nazarovqa bergende, ol saýal qoıýdyń ornyna anasyn mereıtoıymen quttyqtaýǵa ruqsat surady.
"Osynda otyrǵan barlyq azamattyń artynda álemniń jaryǵyn syılaǵan analar tur. Búgin meniń anamshymnyń týǵan kúni edi, 70 jasqa tolyp otyr. Ruqsat etseńiz", - dedi depýtat.
Espaevanyń jaýabyn kútpesten Nazarov sózin jalǵastyrdy. Birneshe áriptesi oǵan qol shapalaqtady.
"Qadirli anashym, sizdi týǵan kúnińizben shyn júrekten quttyqtaımyn. Sizdiń meıirimge toly júregińizge, júzińizden tógilgen nurǵa shomylyp óstim. Anashym, áketaıym ekeýińiz máńgi birge bolyp, nemerelerińizdiń qyzyǵyn kórińizder. Sizdi qatty jaqsy kóremin, sizdiń aldyńyzda basymdy ıemin. Analaryńyz aman bolsyn", - dedi ol.
Keıin ol depýtattyq saýalyn premer-mınıstrdiń orynbasary Ermek Kósherbaevtyń atyna joldaıtynyn aıtyp, oqyp berdi. Depýtat elimizdegi merzimdi áskerı qyzmetti jańǵyrtý qajetin kóterdi.
Nazarov sózin aıaqtaǵan soń Májilis tóraǵasy Erlan Qoshanov depýtattyń anasyn quttyqtady.