Vedomstvo birqatar qaýipsizdik erejelerin jarıalady.
Densaýlyq saqtaý mınıstrligi sý tasqynyna baılanysty turǵyndarǵa eskertý jasady, dep habarlaıdy Almaty-akshamy.kz
Mınıstrlik taǵamnan ýlaný men juqpaly aýrýlardyń aldyn alý maqsatynda halyqqa birqatar qaýipsizdik erejelerin jarıalady:
İshý jáne tamaq pisirý úshin tek bótelkedegi nemese qaınaǵan sýdy paıdalanyńyz; Sý basý oryndarynda bulaqtardan, qudyqtardan jáne uńǵymalardan sý ishpeńiz; Sý tasqynyna malynǵan tamaq ónimderin paıdalanbańyz, múmkindiginshe olardy kemirgishter men sý tasqyny jetpeıtin jerlerde saqtańyz; Tamaq isher aldynda, dárethanadan, serýendegennen, tamaq daıyndaǵannan keıin qolyńyzdy sabynmen jýyńyz; Sý tasqynynan keıin barlyq bólmeni dezınfeksıalyq eritindilermen óńdeńiz; Eger juqpaly aýrýlardyń belgileri bolsa (dene temperatýrasynyń joǵarylaýy, júrek aıný, qusý, nájistiń bosaýy, tamaq aýrýy, bórtpe jáne t.b.), dereý medısına qyzmetkerine habarlaý qajet.