Qazaqstan koronavırýstyń taralý qarqyny boıynsha "sary" aımaqta tur
Parlament Májilisindegi Úkimet saǵatynda Densaýlyq saqtaý mınıstri Alekseı Soı Qazaqstanda koronavırýs juqtyrý qarqyny boıynsha tórtinshi tolqynnyń ótkenin aıtty, dep habarlaıdy Almaty-akshamy.kz QazAqparat saıtyna silteme jasap.
«Qazaqstan indet juqtyrýdyń tórt tolqynynan ótti. Bul óz kezeginde koronavırýs ınfeksıasynyń jańa shtamdarynyń paıda bolýyna qatysty», - dedi A. Soı. Onyń aıtýynsha, sońǵy ret indet juqtyrý deńgeıi artqanda kezeńde táýligine 7 800 jaǵdaı tirkelgen. «KVI boıynsha profılaktıkalyq jáne epıdemıaǵa qarsy jumystardy ýaqytyly júrgizýge baılanysty indettiń taralýy qarqynyn tejeýge ári eldegi epıdemıologıalyq ahýaldy turaqtandyrýǵa yqpal etti», - dedi mınıstr.
Alekseı Soı qazirgi kezde Qazaqstan koronavırýstan «sary» aımaqta turǵanyn aıtty.