Jeńimpaz jankúıerlerine alǵysyn jetkizdi
Ulttyq Olımpıada komıteti dereginshe, Oslo bozkileminde grek-rım kúresinen álem chempıonatynyń qola júldegeri atanǵan Almat Kebispaev qoldaý kórsetken jankúıerlerine alǵysyn aıtty, dep habarlaıdy Almaty-akshamy.kz.
Norvegıada kúres túrlerinen álem chempıonaty máresine jetti.
«Oslodaǵy álem chempıonatynyń sońǵy kúninde júldege qol jetkizdik. Barshańyzdyń qoldaýlaryńyzǵa rahmet! Bul - barlyǵymyzdyń bapkerlerimizben, qurama múshelerimen birge jetken jetistigimi. Óte qýanyshtymyn! Sizderge osyndaı júlde syılaǵanyma qýanyshtymyn!» - dedi júldeger.
Sondaı-aq, Almat Kebispaev grek-rım kúresinen 67 keli salmaq dárejesinde qola júldeger atandy. Bul grek-rım kúresinen ulttyq quramanyń atalǵan birinshiliktegi jalǵyz júldesi boldy.
Aıta keteıik, Almat Kebispaev dúnıejúzilik birinshilikte kezekti júldesin utyp alyp, álem chempıonatynyń bes dúrkin júldegeri atandy. Ol osyǵan deıin ózi qatysqan álem chempıonattarynan bir kúmis jáne úsh qola medal utyp alǵan.